السفة بطريقة جديدة

13.09.2009

قطع دجاج

نصف كيلو شعرية (ديال السفة)
بصلة كبيرة مشلظة رقيقة
زعفران
نصف كأس زيت المائدة
ملح
ابزار
خرقوم
سكنجبير
قرفة
قبطة قزبور ومعدنوس
للتزيين :
سكر كلاصي
قرفة
لوز مصلوق مقلي ومهرمش
لوز مصلوق مقلي
وردات من عجينة لوز
بالنسبة للشعرية
ناخد شوية ديال شعرية ونقليها فزيت

نبداو بالشعرية بعد ما خلطناها بهديك لمقلية نرشو الزيت على الشعرية ونحكوها بين اليدين بشويه حتى تتشربها مزيان مع شويه الملحة

نعملوها في الكسكاس حتى تفور ومن بعد ما تفور نصبو عليها الماء الي تفورات فيه وهو ساخن جداااا
ونرجعوها للكسكاس مرة ثانية حتى تفور للمرة الثانية ومن بعد نفس الطريقة نصب عليها الماء الساخن ونرجعوها تفور للمرة الثالثة أو مرة أخيرة نزيد زبيب

من بعد نعملوها في قصعة وندهنوها بملعقة كبيرة زبدة والسكر كلاصي والقرفة
بالنسبة للدجاج :
في طنجرة نعملو زيت المائدة والبصلة مشلظة

نضيف قطع الدجاج ثم نعملو العطرية ثم الزعفران
نخلي الكل يتشحر شويه ثم نضيف الماء الكافي فاش يطيب الدجاج و قبطة القزبور والمعدنوس

ونخلي الطنجرة تغلي حتى يطيب الدجاج وتدغمر المرقة

في طبق التقديم نعملو السفة ثم قطع الدجاج مع الدغميرة ثم نزوقو الوجه بالسكر والقرفة واللوز مقلي ومهرمش و وردات من عجينة لوز بالصحة والعافية